Dy shërbime të reja: Kardiokirurgjia dhe Kabineti i Kimioterapisë

Në Spitalin Memorial Fier do të shtohen dy shërbime të reja: Kardiokirurgjia me ekip të përbashkët turko-shqiptar dhe Kabineti i Kimioterapisë Ditore, duke sjellë më shumë akses dhe kujdes të specializuar për pacientët pranë vendbanimit të tyre.

Në 5-vjetorin e themelimit të tij, ministrja e Shëndetësisë dhe Mirëqenies Sociale, prof.Evis Sala vlerësoi modelin e sukseshëm të funksionimit të këtij spitali dhe theksoi që ky model transformimi synon të shtrihet në të gjithë Shqipërinë.